كان تسأل ليه غبت ؟!!

حبيبي كان تسأل ليه غبت وصار حولي سـور؟
تعال اجلس على كرسي غيابك واسمـع الخافـي

ولكن لا سمعت اللـي بقولـه فابتعـد مشكـور
لأني عفت كل اللي بقـى وأقبلـت لـك جافـي

حبيبي حلمنا اللي كان تغريـد وأغانـي طيـور
من اللي يذبحه وأشواق صدري تصرخ بـكافي!

تروح بلا سبب وتخط في صفحة شقاي سطـور
وترجع بعد ما مات الأمل واصفـرت أريافـي!

وتسأل وش بقى لك ! ما بقى غير الوفا المقهور
تجاذبه السنين عجـاف ووعـود ٍ لـك عجافـي

رسم لوحة شقى عمره على لوح الهوى المكسور
وعلقها علـى مسمـار نعـش الحـب تنشافـي

وردد مع صدى الناي الحزين الباكـي المجـرور
أغاني كنت ارددها معك يـوم الهـوى صافـي

وأماني من رفات الحب في كاس الشقى المعصور
سكبها واسكرت بي قلب من سكرته يـا كافـي!

وانا اللي كل ذنبي شوق يطويني لـورد الجـور
وعكش ٍ في وسط غبة بحرها ضـاع مجدافـي

تلفت في عيونك لأجمل أيامـي دخيـل الحـور
تلفت ما بقى بـي غيـر هـم ٍ مثقـل اكتافـي

اذا غدر الليالي يـا حيـاة الـروح فيـك يبـور
فياكم بار فينـي مـن سريـت بليلـك الضافـي

واذا هدك فـراق أحبـاب وأيـام ٍ تمـر دهـور
فيا كم هدني طول الغيـااااااب وقولتـك لافـي

يدور الصمت باركان الغياب القاسـي المغـرور
سبب نفحات فرقا خزرة ٍ مـن رمشـك الغافـي

ويغشى البرد في وجه المدينه من غلاك قصـور
رغم كل الدفـا فيهـا قدحـت لرجفتـك قافـي

وحنينٍ يلتحف في زمهرير البعـد منـك الـزور
ذبل! إلا تلاشـى يـوم صـار غيابـك لحافـي

ورحل حلم السنين لواحة الذكـرى ونبـع النـور
حقر موتة فراشات الأمل فـي حضنـك الدافـي

تراني ما تعمدت ان شعـوري ينسكـب منثـور
ولكن شوق صدري فاض حتى غرقت ضفافـي

سلامتكم .

واااااااو كلام رائع

يسلمووو ياعسل

روك

أنتي الأروع ..

يسلمو ع المرور..

تشااو

mn gd ro3a

thank u

أنتي الأروع ..

يسلمو يا عسل ع المرور..

تشاو